Óli Mittún: - Hetta verður sum at spæla á heimavølli

- Tað er nakað serstakt við føroysku áskoðarunum.

Óli Mittún er sum vera man spentur til útdystin móti Niðurlondum í morgin. Til venjingina í dag vóru tey allarflestu av teimum umleið 2.500 seturnum aftanfyri hann tóm, men í morgin vera væntandi umleið 1.000 føroyingar har.

Hetta fer helst at seta øðiligt lív í, og fyri Óla og teir fer tað tí á ein hátt at kennast sum ein heimavøllur fyri Føroyar.  

Sí eisini: Enn eitt føroyskt fylgi komið uppá pláss

19-ára gamla Sävehof-stjørnan slær fast, at um Føroyar spældu, sum man gjørdu fyri steðgin við Tjarnir (18-14 eftir fyrra hálvleik), so vinnur man hesaferð á tí á pappírinum sterkasta liðum á pappírinum.

Júst í fyrra hálvleiki mikukvøldið var Óli Mittún flúgvandi í løtum, áðrenn hann var minni sjónligur eftir steðgin. Hann setur í videobrotinum omanfyri orð á, hvør ætlanin er í morgin, og hví dysturin er so týdningarmikil fyri Føroyar.

Sí eisini: - Vónandi verður tað ein vill uppliving í morgin

Undankappingin til EM 2026 - 3. umfar av seks
4. umfar, sunnudagin 16.03
14.00: Niðurlond - Føroyar
17.00: Ukraina - Kosovo

Støðan eftir trý umfør: 
1. Niðurlond 4 stig
2. Føroyar 3 stig
--------------------
3. Kosovo 3 stig 
4. Ukraina 2 stig 

Trý umfør eru eftir. Nummar eitt og tvey í bólkinum fara víðari til EM-endaspælið í januar. Fýra teir bestu trý'arnir av teimum átta í undankappingini - teir sum vinna sær flest stig móti ovaru liðunum - sleppa víðari.

Sí eisini: Ógvuliga tættur bólkur hjá Føroyum