Agnar Prestá
Ystad vann stórt í fyrstu SM-hálvfinaluni, og hevur eisini verið besta liðið í svensku deildini í 2024/2025.
Men í Partille í gjár var heimaliðið greitt omaná. Sävehof vann 35-28, og javnaði harvið hálvfinalurøðina.
Arvid Norén í málinum varð dagsins spælari, og av útispælarun var tað Óli Mittún, ið skein bjartast.
19-ára gamli føroyingurin gjørdist toppskjútti við tíggju málum. Hoyvíkingurin hevði 11 skot, og var harvið sera effektivur.
Óli átti eisini fimm upplegg og gekk á odda í sigrinum.
Ísak Vedelsbøl er skrásettur fyri eitt skot, sum hann brendi - hann spældi ikki heilt nógv í álopinum.
IK Sävehof og Ystad hittst aftur hósdagin, skírisdag klokkan 18 føroyska tíð. Tað verður í Ystad. Fyrsta liðið at vinna tríggjar hálvfinalur kemur í finalurnar
Vinarliga broyt tínar kennifíla - og privatlívsstillingar fyri at síggja hetta innihald