Agnar Prestá
- Hann er ein snildur, kvikur og ágrýtin spælari.
Soleiðis lýsir Magnus Powell, venjari hjá KÍ, tann nýggjasta spælaran í hópinum - tann triðja sum felagið hevur fingið inn í vetur.
Áleypararnir Dávid Reynheim og Erlend Hustad eru eisini lagdir afturat, og á venjingarleguni í Spania spældi Oussema Sørlie Ali seg til ein sáttmála: Beint áðrenn heimferðina samdust hann og KÍ um eitt-ára samstarv.
- - Eg eri stoltur og spentur, nú eg havi gjørt avtalu við KÍ. Havi fingið eina sera jaliga fatan av felagnum og hópinum. Nú gleði eg meg at geva kongabláu troyggjuni alt eg megni, sigur Oussama við ki.fo.
Felagið hevur kunngjørt 25-ára gamla miðvallaran seinnapartin - hesa søguna bóru vit fyrr í dag
Sí eisini: KÍ ger sáttmála við norskan miðvallara - hevur skrivað undir við ein ungun lokalan
Oussama Ali er 25 ár, við tunesiskum og norskum borgarskapi. Síðsta felagið hann hevur spælt við er CA Bizertin í bestu deildini í Tunisa. Undan tí spældi Ali millum annað í næstbestu deildini í Svørki.
Vinarliga broyt tínar kennifíla - og privatlívsstillingar fyri at síggja hetta innihald