Ov lítil undirtøka fyri KÍ ársveitslu

Silvur og tap í fyrsta umfari í steypakappingini er ikki nóg gott fyri klaksvíkingar. Í øllum førum ikki nóg nógvar. KÍ boðar í dag frá, at ársveitslan, sum skuldi vera í Varpinum leygarkvøldið 2. november er avlýst.

Orsøkin er at undirtøkan hevur verið ov lítil til at bera tiltakið, og tí er hendan avgerðin tikin.

Atgongumerkini kostaðu 615 krónur.

- Vit vilja tó nýta høvið at takka øllum fjepparum, leikarum, venjarum og hjálparfólki fyri eitt gott og spennandi kappingarár í 2024. Stuðulin og eldhugin hjá tykkum øllum hevur verið ómetiligur fyri felagið, og vit eru takksom fyri hvønn tann einasta av tykkum, sigur KÍ.