Pernille og Storhamar sigraðu í fyrstu NM-finaluni

Tá tíggju minuttir vóru eftir í gjárkvøldið, var 28-26 til heimaiðið. Men seinastu løtuna stórspældi Eli Marie Raasok í Storhamar-málinum, útiliðið fekk neyðugu málini, og vann 31-29.

Fimm mál á rað og sterkt verju- og málverjuspæl. Hetta var uppskriftin hjá Pernille Brandenborg og teimum, tá Storhamar vann fyrstu finaluna um norska meistaraheitið.

Hetta var í Sola, og tað merkir, at um ikki Sola sigrar hósdagin, so er liðugt: So er strikuspælarin, miðverjin, liðskiparin og profilurin á føroyska landsliðnum norskur meistari og greipivinnari.

Pernille Brandenborg skiftir í summar til rumenska stórfelagið CSM Bucaresti og skal í desember aftur spæla endspæl fyri Føroyar (Mynd: Sverri Egholm)

Sjálv varð Pernille Brandenborg skrásett fyri eitt mál í dystinum.

Onnur NM-finalan verður spælt hósdagin 28. mai klokkan 17.15 føroyska tíð. Tá hevur Storhamar heimavølli - í Hamar.

Í Noreg verður spælt best av trimum. Harvið verður neyðugt við einari triðju finalu, um Sola svarar aftur hósdagin