P/F Wenzel heldur fram sum stórstuðul og bilveitari hjá Hondbóltssambandinum

- Føroyskur hondbóltur hevur tikið risafet seinastu árini. Eg havi sjálvur verið virkin í hondbólti, bæði sum leikari og nevndarlimur, og eg veit um tað stóra arbeiðið, sum liggur liggur aftanfyri bæði hjá sambandi og feløgum. Tað er stuttligt, at vera við til at skapa karmar, og at føroyska tjóðin kann hava landslið, sum vit øll eru errin av. 

Soleiðis sigur Rúni Djurhuus, stjóri í P/F Wenzel, um longda sáttmálan við Hondbóltssamband Føroya.

Partarnir hava havt eina stuðuslavtalu, har P/F Wenzel er stórstuðul og bilveitari hjá HSF, og soleiðis verður eisini í 2022 og 2023.

– Vit hava havt eitt serstakliga gott samstarv við P/F Wenzel seinastu árini. P/F Wenzel er ein gomul og vælrikin fyritøka, sum eisini hevur megnað at endurnýggja seg við góðum úrslitum. Hetta gongur hond í hond við okkara hugsjónir í Hondbóltssambandinum, har tað vælskipaða grundarbeiðið skal skapa góðu úrslitini, sigur Gunn Ellefsen, forkvinna í Hondbóltssambandinum.

Jana Mittún, landsliðsleikari hjá kvinnum, Gunn Ellefsen, Rúni Djurhuus og Kjartan Johansen,  landsliðsleikari hjá monnum (Mynd: HSF)