Fótbóltur

Rakul Sørensen fingið A-landsliðsboð á fyrsta sinni

Unga víkingakvinnan er millum tær 22, ið skulu við til Baltic Cup seint í mánaðinum. Talan er um seinastu uppgávuna hjá A-landsliðnum við kvinnum í 2024.

Sara Samson Lamhauge og Rakul Sørensen í steypafinaluni leygardagin, har Sara var flúgvandi og NSÍ vann 4-1 á Víkingi. Rakul, við góðu teknisku dygdunum og spælskilinum, skal nú við A-landsliðnum (Mynd: Sverri Egholm)

Sara Samson Lamhauge og Rakul Sørensen í steypafinaluni leygardagin, har Sara var flúgvandi og NSÍ vann 4-1 á Víkingi. Rakul, við góðu teknisku dygdunum og spælskilinum, skal nú við A-landsliðnum (Mynd: Sverri Egholm)

2024-10-10 15:25 Author image
Agnar Prestá
placeholder

Hósdagin 24. oktober skal føroyska A-landsliðið við kvinnum á vøllin aftur, tá fyrri av tveimum dystum í Baltic Cup 2024 er á skránni. Føroyar leggja fyri ímóti Lettland, meðan seinni dysturin verður sunnudagin 27. oktober. Mótstøðulandið verður annaðhvørt Estland ella Litava - í dysti um gullið ella bronsuna í venjingarkappingin. 

Kappingin er skipað sum tvær hálvfinalur, og síðani verður finalan og dysturin um 3. plássið, skrivar fsf.fo.

Hetta er í sambandi við, at hópurin til dystirnar síðst í mánaðinum er almannakunngjørdur.

[object Object]
Signe Pries Andersen hevur tikið hópin út saman við Tummasi Erling Djurhuus, sum hevur sínar seinastu uppgávur sum hjálparvenjari hendan mánaðin (Mynd: Sverri Egholm)

Signe Pries Andersen hevur tikið liðið út. Millum tær, ið standa á listanum hjá venjaranum, er Rakul Sørensen úr Víkingi.

- 19 ára gamla víkingakvinnan hevur roynt seg á fleiri ungdómslandsliðum, og hóast sín unga aldur, hevur hon drúgvar royndir í fremstu deildini, har hon er skrásett fyri 88 dystir og 24 mál. Og nú sær also út til, at hon møguliga fer at fáa sín elddóp á A-landsliðnum.

Føroyar vunnu tríggjar av teimum seks dystunum í EM-undankappingini fyrr í ár. Millum annað eydnaðist at basa Montenegro á Tórsvølli.

Hópurin:
Petra Hoydal, AaB (Danmark)
Anna Carolina Brændstrup, HB Køge (Danmark)
Ásla Johannesen, Piteå IF (Svøríki)
Valborg Østerø, B36 Tórshavn
Gunnvá Lutzen, HB Tórshavn
Rúna Jacobsen, HB Tórshavn
Sunniva Willemoes, HB Tórshavn
Fridrikka Klementsen, HB Tórshavn
Durita Hummeland, KÍ Klaksvík
Birita Ryan, KÍ Klaksvík
Tórunn Højgaard Joensen, KÍ Klaksvík
Eyðvør Klakstein, KÍ Klaksvík
Sanna Svarvadal, KÍ Klaksvík
Malena Olsen, KÍ Klaksvík
Tóra Mohr, KÍ Klaksvík
Sara Samson Lamhauge, NSÍ Runavík
Heidi Sevdal, NSÍ Runavík
Mona Rasmusdóttir, Víkingur
Lea Lisberg, Víkingur
Jensa Tórolvsdóttir, Víkingur
Rakul Sørensen, Víkingur
Anna Katrina Mikkelsen, Vikingur

Skráin
24. oktober: Føroyar – Lettland (klokkan 17)
27. oktober: Føroyar – Estland ella Litava (klokkan 10 ella 18)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder