Oyggjaleikir 2019

Runnið seg í tríggjar hálvfinalur fyrrapartin

Margit Weihe Fríðmundsdóttir, Elisabet Holm Simonsen og Tórur Mortensen hava klárað seg væl í morgun.

Elisabet Holm Simonsen og Margit Weihe Fríðmundsdóttir (Mynd: Sverri Egholm)

Elisabet Holm Simonsen og Margit Weihe Fríðmundsdóttir (Mynd: Sverri Egholm)

2019-07-10 11:04 Author image
Sverri Egholm
placeholder

Í hitanum á rennibreytini á Gibraltar hava Føroyar vunnið seg í tríggjar hálvfinalur. Fyrstur í eldin í morgun var Tórur Mortensen á 100 metrum. Hann rann seg í hálvfinaluna við tíðini 11.45.

Margit Weihe Fríðmundsdóttir og Elisabet Holm Simonsen vunnu seg í hálvfinaluna í 200 metrum við tíðini 26.40 og 26.96.

Hálvfinalurnar verða í morgin fyrrapartin.

Nógv hendir hjá føroysku íðkarunum í frælsum ítrótti í dag. Um eina løtu fara Maria Biskopstø og Rebekka Fuglø at royna seg í 800 metrum innleiðandi. Og løtu seinni fer Julian Gregersen at renna 1500 metrar í innleiðandi umfarinum.

Seinnapartin verður Teresa Fríðriksdóttir Bláhamr í finalu í longdarlopi, og Andreas Bjarnastein Antoft í longdarlopi. Rebekka Fuglø er eisini tilmeldað til 5.000 metrar.

placeholder
placeholder