Russland basti vertslandinum og heimsmeistaranum í byrjunardystinum

EM í hondbólti hjá kvinnum fór í kvøld í gongd í Fraklandi. Byrjanardysturin var í Nancy millum vertirnar og Russland.

Lagt var upp til ein javnan og spennandi dyst millum tveir av favorittunum í endaspælinum, og tað gjørdist talan eisini um. Tað komu ikki nógv mál fyrstu løtuna. Frakland megnaði at hanga í Russlandi í 1. hálvleiki, og tað var javnleikur í steðginum. Vertirnir byrjaðu betri í 2. hálvleiki, men skjótt tók Russland yvir, og hesaferð eydnaðist tað ikki hjá Fraklandi at fylgja við. Russland vann við trimum málum.

Tey 16 liðini eru deild upp í fýra bólkar, har trý lið koma víðari til millumspælið. Í morgin er hin dysturin í 1. umfarið í bólki B, og tveir dystir í bólki A verða eisini leiktir. Mest áhugaverdur er dysturin í annaðkvøld millum Danmark og Svøríki. Føroyar vóru í bólki við Svøríki í undankappingini. 

Frakland - Russland 23-26 (11-11) - Bólkur B

Dystirnir í morgin:

17.00 Serbia – Pólland (Bólkur A)
20.00: Danmark – Svøríki (Bólkur A)
            Montenegro – Slovenia (Bólkur B)