Ingi Samuelsen
Fyrrverandi spanski landsliðsleikarin, 37 ára gamli verjuleikarin Sergio Ramos, spælir nú aftur við felagnum har fótbóltsleiðin byrjaði.
Í 2005 gavst Ramos í FC Sevilla og skifti til Real Madrid. Nú, 18 ár og nógv steyp seinni, er hann aftur í andalusiska barnsómsfelagnum, skrivar Ritzau.
Sevilla boðar frá á heimasíðu síni, at Ramos hevur klárað læknakanningina, og hevur skrivað sáttmála fyri restina av kappingarárinum.
Ramos hevur seinastu tvey árini spælt fyri franska felagið Paris Saint-Germain, men gavst í summar, tá sáttmálin rann út.
Undan tí spældi hann í 16 ár við Real Madrid, har hann var við til at tryggja felagnum Champions League steypið fýra ferðir, spanska meistaraheitið fimm ferðir, og HM-heitið fyri felagslið fýra ferðir.
Á landsliðnum gjørdist hann heimsmeistari við Spania í 2010 og vann EM bæði í 2008 og 2012. Hann spældi 180 landsdystir og skjeyt 23 mál áðrenn hann í februar í ár gavst sum landsliðsleikari.
Vinarliga broyt tínar kennifíla - og privatlívsstillingar fyri at síggja hetta innihald