SÍ eru føroyameistarar í flogbólti fyri dreingir 14

Hetta vikuskiftið verða FM-finalurnar fyri yngru deildirnar leiktar á Tvøroyri, og í gjárkvøldið gjørdust dreingir 14 hjá SÍ føroyameistarar.

Liðið úr Sørvági leikti finalu ímóti TB og vóru greitt omaná og vunnu 3-0. Sørvingar lótu ongan iva vera um, at teir ætlaðu at vinna og høvdu dygdirnar at vinna FM 2022/23.

Somu lið hittust í steypafinaluni fyrst í mars, og tá vann SÍ eisini og kunnu sostatt kalla seg bæði føroyameistarar og greipuvinnarar.

Dagsins leikari fyri SÍ varð Mateo Eystberg, og dagsins leikari fyri TB varð Ólavur Hammer.