Annað

Skulu ikki kappast móti Russlandi ella Hvítarusslandi

Ukrainska stjórnin hevur avgjørt, at ukrainsk landslið ikki skulu luttaka í ítróttakappingum, har Russland og Hvítarussland eisini luttaka.

Í mars heittu mótmælisfólk í Sveis á Altjóða Olympisku Nevndina um ikki at loyva russiskum og hvítarussiskum íðkarum at luttaka í OL í París (Mynd: AP)

Í mars heittu mótmælisfólk í Sveis á Altjóða Olympisku Nevndina um ikki at loyva russiskum og hvítarussiskum íðkarum at luttaka í OL í París (Mynd: AP)

2023-04-15 12:59 Author image
Alda Nielsdóttir
placeholder

Ukrainsk landslið sleppa ikki longur at hitta lið úr Russlandi og Hvítarusslandi, hevur ukrainska stjórnin avgjørt.

Hetta merkir, at landslið, sum luttaka í ítróttakappingum, har Russland og Hvítarussland eisini luttaka, skulu taka seg úr kappingini, skriva fleiri útlendskir miðlar.

Nú Altjóða Olympiska Nevndin (IOC) hevur sagt seg vera opin fyri, at íðkarar úr Russlandi og Hvítarusslandi kunnu luttaka undir neutralum flaggi í Olympisku Leikunum í París næsta ár, kann hetta hava við sær, at Ukraina ikki verður umboðað, tá OL verður í franska høvuðsstaðnum.

Ukrainski ráðharrin í ítróttamálum, Vadym Gutzeit hevur nevniliga áður sagt, at tað ikki kann útilokast, at Ukraina fer at boykotta OL, um íðkarar úr Russlandi og Hvítarusslandi sleppa at luttaka.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder