Spæla um finalupláss í Alexandra Palace í kvøld

Sum siður er, hevur nógv dart á høgum stigi verið í mæta Alexandra Palace upp til og eftir jól. "Ally Palace" er á hvørjum ári karmur um PDC World Championship, sum bara veksur í vavi - og í vinnaraupphædd.

Tríggir onglendingar og ein niðurlendingur eru eftir í stríðnum um stóra heiðurin og stóra vinningin. Niðurlendingurin er tann einasti av hesum, sum hevur vunnið heimsmeistaraheitið áður.

Michael van Gerwen hevur verið í seks PDC World Championship-finalum og hevur vunnið tríggjar teirra - seinast í 2019. van Gerwen hevur sum heild verið sannførandi higartil, og er hann eisini stórur favorittur í hálvfinaluni móti Chris Dobey, sum byrjar klokkan 19.40.

Michael van Gerwen (Mynd: EPA)

Roknað verður við at bert 17-ára gamli Luke Littler kemur í finaluna annað árið á rað. Enska stórtalentið skal í kvøld stríðast við 39-ára gamla Stephen Bunting úr Liverpool, sum hevur spælt ógvuliga væl seinastu dagarnar. 

19.40: Chris Dobey - Michael van Gerwen 

21.30: Stephen Bunting - Luke Littler

Hálvfinalurnar síggjast á TV3 Sport og Viaplay

Hálvfinaluluttakarnar í London