Spenningurin verður helst í Norðragøtu og í Fuglafirði

Fýra dystir í 10. umfari í Betrideildini hjá monnum verða leiktir seinnapartin. Tann fyrsti í umfarinum og í hesum triðinginum var fríggjakvøldið við Margáir, har B36 vann 3-0 í einum dysti, sum til tíðir var sera lívligur.  

10. umfar í Betrideildini:
Sunnudagin 28.08
(15.00): ÍF - TB
              Skála - HB
              Víkingur - KÍ

(17.15): AB - NSÍ

Fríggjadagin 26.06
EB/Streymur - B36 0-3 (0-1)
8' Magnus Holm Jacobsen 0-1
64' Eli Falkvard Nielsen 0-2
90' Árni Frederiksberg 0-3

Sí eisini: B36 greiddi sína skyldu við Margáir
               Árni Frederiksberg: Vit hava gjørt okkara
               Andras Olsen: Forbiðið súrt
               Myndir frá dystinum

Støðan: 
1. HB (22 stig) 
2. B36 (22 stig) 
3. NSÍ (20 stig) 
4. KÍ (20 stig)
5. Víkingur (14 stig) 
6. ÍF (13 stig)
7. EB/Streymur (7 stig) 
9. TB (6 stig)
8. AB (4 stig) 
10. Skála (1 stig)

Úrslitið ger, at B36 hevur lagt eitt ávíst trýst á liðini, sum liggja í ovaru hálvu. HB og NSÍ burdi tó ikki havt stórvegis trupulleikar við eisini at fáa trý stig í hesum umfarinum. NSÍ koppaði HB mánakvøldið við einum frálíkum avriki, og skal nú spæla á Argjum, har liðið so at siga altíð vinnur. HB-liðið sær heldur slitið út, men hevur víst høga góðsku í ár, og tað er toppur ímóti botni á Skála. NSÍ og HB hava fyrr í ár vunnið 3-0 á ávíkavist AB og Skála


(Petur Knudsen og NSÍ vóru omaná móti oddaliðnum Mynd: Sverri Egholm)

Tað endaði málleyst, tá ÍF og TB fyri 15 døgum síðani spældu við Stóra. Nú vitjar TB í Fløtugerði og skal vinna fyri at av álvara hanga í ÍF, sum hevur staðið seg væl ímóti liðunum niðanfyri seg. Ein tættur dystur er í væntu, men ÍF er favorittur.


Lukasz Cieslewicz var ein av teimum royndu leikarunum, ið byrjaði á bonkinum hjá Vìkingi seinast. Her í dystinum í Klaksvík í 7. umfari (Mynd: Sverri Egholm)

Um illa vil til hjá Víkingi, so fer liðið at hava níggju stig upp til 3/4 plássið og vera aftanfyri ÍF aftur, tá dystirnir í dag eru lidnir. Liðið hjá Eyðuni Klakstein hevði fleiri ungar menn inni frá byrjan seinast, tá trý stig komu til høldar við Margáir seint í dystinum. Nú er ein størri uppgáva á skránni: KÍ er ósigrað í átta dystum og vann 4-1 á Víkingi fyri 15 døgum síðani. Talan er sum oftast um inntensar dystir, tá "grannarnir" hittast, og nógv eru uppá spæl fyri bæði liðini í Sarpugerði í dag.

Vit hava myndir, dystarfrásøgn og gera samrøður í Sarpugerði. Til ber at fylgja gongdini í øllum dystunum á forsíðu okkara.