Stjørnan og KÍ fara hvør til sítt

Uppskot verður á eykaaðalfundi hjá Klaksvíkar Ítróttarfelag lagt fram um, at hondbóltsdeildin Stjørnan fer úr felagnum.

Hetta skrivar Norðlýsið í dag.

Alt verður gjørt i sátt og semju, og partarnir halda at tíðin er komin, ljóðar úr Klaksvík.

- Vit halda, at tíðin er komin til, at Stjørnan fer at koyra sum eitt sjálvstøðugt felag, eisini á pappírinum. Tí í praksis hava vit í nógv ár koyrt sum eitt sjálvstøðugt felag, sigur Súsanna Lydersen, forkvinna í Stjørnuni, við Norðlýsið.

Tað verða í ár 90 ár síðani at KÍ stovnaði hondbóltsfelagið, men nú verður hildið at tíðin er farin frá, at eitt hondbóltfelag liggur undir einum fótbóltsfelag.

Eykaaðalfundurin hjá KÍ verður 12. september.