Stórur KÍ-stuðul í Molde

Tað verður uttan iva spennandi týskvøldið, tá Molde og KÍ bresta saman í seinna dystinum í triðja umfari í Champions League.

Norðlýsið skrivar í dag, at atgongumerkini sum KÍ hevur fingið tillutað á Aker leikvøllinum, eru øll útseld. Tað merkir, at tey áleið 700-800 setrini eru útseld til dystin týsdagin.

Tvey full flogfør fara úr Føroyum áðrenn dystin og flúgva beinleiðis til Molde.

Aker leikvøllurin í Molde tekur 11.249 áskoðarar.

Fyrra dystin vann KÍ 2-1 á Tórsvølli, men einki er avgjørt enn.

Portalurin verður við á ferðini til Molde.