Fótbóltur

Stórveldi stríðast um at sleppa at spæla sunnudagin

Klokkan 20 spæla Spania og Frakland um finalupláss í München. Tveir ymikir leikháttir hittast.

2024-07-09 14:20 Author image
Agnar Prestá
placeholder

Luis de la Gunte vil helst leypa á, meðan Didier Deschamps í stóran mun vil spæla varið. Spaniólar hava verið eitt av fáu liðunum í endaspælinum, sum hava undirhildið - Fraklandi hevur ligið í botninum á hesum økinum.

Tó eru fraklendingar aftur har, sum teir hava verið tríggjar ferðir áður undir Deschamps - seinastu fýra endaspølini: Í einari hálvfinalu. Frakland hevur besta verjupartin í endaspælinum, og í kvøld skulu William Saliba og hinir royna at forða spaniólunum at skora.

Bert eina ferð er eydnast mótstøðuliði at skora móti Fraklandi teir fimm dystirnar, sum liðið hevur spælt í endaspælinum. Hetta var við brotssparki. Harvið liggur tað til, at talan verður um ein málfátækan og taktiskan dyst.

Spania hevur serliga vengur í Nico Williams og Lamine Yamal, ið sprutla. Pedri er skaddur eftir takklingina, sum hann fekk frá Toni Kroos í fjórðingsfinaluni. Bæði liðini spældu 120 minuttir í fjórðingsfinalunum, og tað er ikki ósannlíkt, at neyðugt verður við meira enn 90 minuttum í München.

EM-hálvfinalur

Í dag, týsdagin 9. juli
20.00: Frakland - Spania (München) KVF/DR1

Í morgin, mikudagin, týsdagin 10. juli
20.00: Niðurlond og Ongland (Dortmund)

Finalan: Sunnudagin 14. juli kl. 20 í Berlin.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder