Svimjifelagið Neptun hevur útvegað sær royndan danskan venjara

Svimjifelagið Neptun í Runavíkar kommunu hevur lagt til brots við venjingum í nýggju svimjihøllini í Bylgjuni.

Tað varð endurstovnað fyri einari tíð síðani. Felagið boðar nú frá, at tað er eydnast at fáa ein sera virknan hóp av hjálparfólkum og eina virkna nevnd; hesi hava eisini eitt greitt felags mál.

Nýggur útlendskur venjari er eisini settur, og hetta fegnast nevndin av góðum orsøkum um.

- Til at fáa íblástur uttanífrá, og fyri at lyfta felagið, hevur svimjinevndin saman við formanninum í vikuni gjørt avtalu við Sanne Skov um at verða partur av menningini hjá svimjifelagnum Neptun

Sanne er útbúgvin faklærari í ítrótti og hevur verið meginvenjari og mennari í svimjiskúlanum í fleiri enn 30 ár. Heimasíðan neptun.fo upplýsir eisini, at Sanne Skov hevur verið svimjilærari hjá danska Svimjisambandinum í nærum eina fjórðingsøld. 

Í nevndini fyri Neptun eru Jákup Øssursson Mohr, Jens Mortan Rasmussen, Martin Venned, Eyðun Jensen, Dánjal Vestergaard, Jonnhild Reynholdsdóttir og
Rodmundur Nielsen.