TBa dreingir 12 eru føroyameistarar

FM finalurnar fyri yngru deildirnar í flogbólti eru hetta vikuskiftið í ítróttarhøllini í Trongisvági, har TB er fyriskipari.

Dystirnir byrjaðu kl. 15.00 í gjár, og var fyrsti dysturin fyri dreingir 12.

Finalan var ímilum TBa og TBb. TBa fór við sigrinum og FM heitinum. TBa vann 2-0 við settúrslitunum 25-22 og 25-21.

Dagsins leikari í dystinum gjørdist Páll Hansen, sum var á TBa liðnum.