Annað

Team Rynkeby komið á mál

Seinnapartin kom føroyska Team Rynkeby fyri 6. ferð á mál í París.

Mynd: Team Rynkeby Føroyar/Facebook

Mynd: Team Rynkeby Føroyar/Facebook

2019-07-06 17:08 Author image
Alda Nielsdóttir

Ferðin hjá Team Rynkeby, sum byrjaði í Klaksvík hósdagin 27. juni, er nú komin at enda.

Gleðin var stór hjá bæði súkklarunum og hjá teimum, sum vóru møtt upp at taka ímóti teimum á málstrikuni, tá føroyska Team Rynkeby liðið kom á mál seinnapartin í dag.

Hetta er 6. ferð, at eitt føroyskt Team Rynkeby lið hevur súkklað til franska høvuðsstaðin fyri at savna pening inn til lívshættisliga sjúk børn og familjur teirra í Føroyum.

Til ber at síggja upptøkur frá tá Team Rynkeby Føroyar kom á mál her.