Ingi Samuelsen
Tveir nevaleikarar frá Tórshavn Boksing eru í dag farnir til Danmarkar, har teir skulu vera við í danmarksmeistarakappingunum fyri byrjarar, sum fara fram í Ryomgaard á Djurslandi.
Tað eru teir báðir, Teitur Annand og David Kunoy, sum skulu royna seg.
Teitur boksar fyri fyrstu ferð í vektflokkinum 60-63,5 kilo, meðan David er í flokkinum beint omanfyri, 63,5-67 kilo.
Teir hava báðir verið í harðari venjing upp til hesa kappingina, og sambært Martin Meng, venjara og formanni í Tórshavn Boksing, eru teir í toppformi og hava sett sær fyri at fara allan vegin, og helst fáa gull um hálsin.
Teir hava í hvussu so er fingið fleiri royndir í boksiringunum nú enn fyri einum ári síðani, tá teir fingu silvur við heim frá DM-kappingini.
Tórshavn Boksing stroymir live frá dystunum hjá teimum báðum.
Vinarliga broyt tínar kennifíla - og privatlívsstillingar fyri at síggja hetta innihald