U17 gentur: Spennandi avbjóðing í Moldova

Í døgunum 14. til 21. mai luttekur føroyska U17-landsliðið við gentum í UEFA menningarkapping í Moldova. Mótstøðuliðini vera Moldova, Litava og Rumenia.

Eyðvør Jakobsen, venjari hjá U17-gentunum, hevur saman við hjálparvenjaranum, Gert Hansen, úttikið tær 18, ið skulu umboða Føroyar í kappingini.

Føroyar spæla móti Moldova 16. mai, móti Litava 18. mai, og móti Rumenia 20. mai. Allir dystirnir verða spældir á Zimbru 2 Stadion í moldoviska høvuðsstaðnum, Chisinau, skrivar Fótbóltssambandið.

Áðrenn fráferð eru tríggjar venjingar á skránni, sum verða á vøllinum á Dungasandi í Sørvági 1., 9. og 14. mai.

Hópurin
Hanna Ellefsen, BSF (Danmark)
Valbjørg Davidsen, B68
Sissel K. Mørkøre, EB/Streymur
Halla M. Ejdesgaard, FC Hoyvík
Tóra Vatnhamar Olsen, HB
Karla Sjóstein, KÍ
Ranja Joensen, KÍ
Eyðna Gaard, KÍ
Margreta í Buð, KÍ
Kára Sigurðsson, KÍ
Durita Vón Vidtfeldt, MB
Sara Benjaminsen, Skála
Ranja Petersen, Skála
Hansina Nesá, Víkingur
Reima Isaksen, Víkingur
Fríða Lamhauge, Víkingur
Bjørk Akselsen, 07 Vestur
Eydna Zakarisdóttir, 07 Vestur