U19-landsliðini farin til Finnlands

Landsliðsvirksemi innan flogbóltin hevur verið stórt í ár, og skjótt eru fleiri landsdystir á skránni.

U19 landsliðini við gentum og dreingjum hava í morgun, 26. oktober, sett kósina til Finnlands.  Har skulu liðini kappast um NEVZA meistaraskapin, sum eins og í fjør, fer fram í sonevnda "jólamannabýnum" Rovaniemi

NEVZA er norðurevropiska økið hjá CEV og fatar um norðurlond og Ongland. . Ferðalagið við báðum liðunum fór av landinum í morgun og ferðast gjøgnum Keypmannahavn og Helsinki, áðrenn leiðin verður løgd norður í kuldan í Rovaniemi.

Føroysku dreingirnir eru í bólki 1 saman við Noregi og Danmark. Í bólki 2 eru vertirnur Finnland, Ongland og Svøríki.

Dystirnir í bólkaspælinum eru á skránni fríggjadagin:
Fríggjadagin 28. oktober kl. 07:30 Føroyar – Noreg
Fríggjadagin 28. oktober kl. 12:00 Føroyar – Danmark

U19 dreingir:

Bjarni Joensen, SÍ

Filip Ilic, ÍF

Ólavur Johannesen, Mjølnir

Filip Simonsen, Fleyr

Matias Nolsøe Isaksen, Fleyr

Elias Ellingsgaard, SÍ

Árni Lamhauge Mohr, ÍF

Hørður Joensen, Mjølnir

Vuk Ilic, ÍF

Josaih Lukama, Mjølnir

Tóki í Haraldstovu, SÍ

Silas Poulsen, SÍ

Ungu føroysku kvinnurnar spæla eisini tveir dystir fríggjadagin, umframt ein leygardagin.

Føroyar eru í bólki 2 saman við Danmark, Svøríki og Onglandi. Í bólki 1 eru bert trý lið: Noreg, Ísland og Finnland.

Helena Skylv Hansen, Fleyr

Emma Michala Sannino, Fleyr

Tóta Búadóttir, Fleyr

Milja Silvansdóttir, KÍF

Anna Arnholdsdóttir, Mjølnir

Ingibjørg Sigridardóttir Müller, Mjølnir

Janna Falkvard, SÍ

Paula Nattestad Joensen, SÍ

Sofía Weihe Simonsen, SÍ

Sólfríð Poulsen, SÍ

Johanna Christiansdóttir, TB

Nicola Toftegaard, Ikast KFUM

Bæði liðini spældu í gjár venjingardyst móti bestu liðunum hjá Fleyr (Mynd: Flogbóltssamband Føroya)

Kelda: Flogbóltssamband Føroya