U21-dreingirnir heiðraðir á Vaglinum seinnapartin

Seinnapartin klokkan 17 skipa Tórshavnar kommuna og Løgmansskrivstovan fyri almennari móttøku á Vaglinum fyri U21-landsliðnum í hondbólti.

Hetta fyri stóra avrikið í HM-endaspælinum í Póllandi, har føroysku garparnir vunnu bronsuheiðursmerki.

Stóra stjørnan á liðnum, Óli Mittún, fær her bronsuheiðursmerki um hálsin. Eisini fekk hann heiðurin sum virðismiklasti spælari í kappingini (Mynd: Sverri Egholm)

Havnar Hornorkestur spælir, Aksel V. Johannesen, løgmaður, og Elsa Berg, borgarstjóri í Tórshavnar kommunu, halda røður, og umboð fyri Hondbóltssambandið og umboð fyri liðið bera heilsanir fram.

Eftir hetta kunnu børn fáa plakatir og autografar frá U21-spælarunum, sum sunnudagin vunnu Føroyum bronsu í HM-kappingini í Póllandi.