U21: Føroyingarnir fyrireika seg í Montenegro

Týsmorgunin byrjaði føroyska U21-landsliðið sína ferð til Montenegro, har onnur uppgávan í EM-undankappingini er á skránni.

Bæði Føroyar og Montenegro byrjaðu í juni undankappingina við ósigri á heimavølli fyri Kasakstan.


Magnus Holm Jacbsen og Bjarni Petersen hava góð minnir úr Montenegro - her í dystinum móti Kasakstan í juni (Mynd: Sverri Egholm)

Føroyska liðið vandi í gjár í nógva hitanum í Podgorica. Tað var í júst hesum býnum, at B36 í fjør sló Titograd út úr Europa League við 2-1 sigri. Tá spældi Bjarni Petersen allan dystin, Magnus Holm Jacobsen byrjaði eisini inn, og Hugin Samuelsen kom inn fyri B36. Hesir tríggir eru í føroyska hópinum í Montenegri.

Føroyska liðið hevur fyri løtu síðani vant longur norðuri; í býnum Niksic har dysturin verður leiktur í morgin. Í Niksic eru í løtuni áleið 25 hitastig.

(Mynd: FSF)

Úr Montenegro siga teir, at lagið er gott í hópinum, og at teir gleða seg til uppgávuna í morgin. Eisini verður við spenningi fylgt við í kvøld, tá A-landsliðið spælir á heimavølli móti Svøríki