Hondbóltur

Undantaksloyvi: A-landsliðið sleppur at spæla í Føroyum

EM-undandysturin hjá A-landsliðnum hjá monnum móti Kekkia verður í Føroyum. Orsøkin er koronastøðan í Danmark.

(Mynd: Sverri Egholm)

(Mynd: Sverri Egholm)

2020-09-30 16:28 Author image
Sverri Egholm
placeholder

EHF hevur í morgun boðað Hondbóltssambandinum frá, at orsakað av korona-støðuni í Danmark, og teimum krøvunum, sum EHF setur til fyriskipanina av dystum í løtuni, kann EM-undandysturin millum Føroyar og Kekkia, sum upprunaliga skulda spælast í Aarhus, mikudagin, 5. november, spælast í Føroyum.

Tað eru annars ikki umstøður í Føroyum til at hýsa A-landsdystum hjá monnum í EM-undankappingini, og tí var ætlanin, at dysturin skuldi spælast í Aarhus sama dag, sum dysturin millum Danmark og Sveis.

[object Object](Savnsmynd: Sverri Egholm)

- Men eftir at korona-tølini í Danmark hava gingið skeiva vegin, og EHF hevur hert krøvini til smittufyribyrging í sambandi við tílíkar dystir, hava HSF, DHF, og EHF umrøtt støðuna saman. Niðurstøðan var, at EHF undir hesum heilt serligu umstøðunum er sinnað at síggja burtur frá hallarkrøvunum og lata Føroyum eitt undantaksloyvi at hýsa dystinum heima í Føroyum, skrivar Hondbóltssambandið í tíðindaskrivi.

EM-undandysturin verður sostatt mikudagin 4. november í Høllini á Hálsi.

 

placeholder
placeholder