Fótbóltur

United koyrt Amorim til hús

Høvuðsvenjarin hjá Manchester United er uppsagdur.

Leeds-venjarin Daniel Farke takkar Ruben Amorim fyri dystin sunnudagin, sum endaði við javnleiki 1-1 (Mynd: EPA)

2026-01-05 11:35

Sverri Egholm

Manchester United hevur blakað venjaran Ruben Amorim til hús.

- Við Manchester United á sjeynda plássi í Premier League hevur leiðslan við ringum tannabiti avgjørt, at hetta er rætta løtan at gera eina broyting, sigur Manchester United í tíðindaskrivi.

Hann sat harvið við róðrinum í bretska stórfelagnum í 14 mánaðir, og førdi United til Europa League-finaluna í maimánaða, sum felagið tapti móti Tottenham.

Darren Fletcher tekur fyribils yvir sum høvuðsvenjari.

Vinarliga broyt tínar kennifíla - og privatlívsstillingar fyri at síggja hetta innihald