Ingi Samuelsen
Tað verða Manchester City og Aston Villa, sum skulu spæla finaluna í minnu ensku steypakappingini, EFL-Cup, í løtuni kallað Carabao Cup. Tað var avgjørt í gjárkvøldið, tá tey bæði stórfeløgini í Manchester, City og United, spældu aðru hálvfinaluna.
Dysturin var spældur á vøllinum hjá City, og óvæntað var tað Manchester United, sum vann. Dysturin endaði 1-0 við máli. sum Nemanja Matic skoraði í fyrra hálvleiki.
Men við tað at City vann trygt 3-1 á Old Trafford í fyrru hálvfinaluni 7. januar, verða tað teir ljósabláu, sum koma víðari til finaluna á Wembley í London 1. mars.
Fyrrakvøldið var tað greitt, at mótstøðuliðið í finaluni verður Aston Villa. Villa vann á heimavølli 2-1 á Leicester, og við tað at fyrra hálvfinalan endaði javnt 1-1, spældi Villa seg í finaluna.
Vinarliga broyt tínar kennifíla - og privatlívsstillingar fyri at síggja hetta innihald