Upptøka: NSÍ fekk einki gjørt við Hibernian

NSÍ spældi dyst í Skotlandi í gjár, har Hibernian tóku ímóti í fyrsta dysti í innleiðandi umfarinum í Europa League kappingini. Dysturin varð spældur á Easter Road Stadium frammanfyri 12.501 áskoðarum.

Hibernian vísti seg at verða ein ov stór avbjóðing frá NSÍ, sum taptu heili 6-1. Fyrsta málið kom longu eftir tríggjar minuttir, og avbjóðingin gjørdist ikki minni, tá Einar Hansen varð vístur reyða kortið eftir 33 minuttir.

NSÍ kann finna troyst í at teir skoraðu eitt mál, tá Petur Knudsen sett eitt fríspark í málið.

Øll málini síggjast ovast í greinini.