Fótbóltur

Útsetti dysturin enn einaferð útsettur

TB og EB/Streymur spæla kortini ikki útsetta dystin í morgin. Hesaferð er tað veðrið sum argar.

(Savnsmynd: Sverri Egholm)

(Savnsmynd: Sverri Egholm)

2021-09-21 15:01 Author image
Sverri Egholm
placeholder

Seinast var tað ferðaætlanin hjá Smyrli. Nú er tað vánaliga veðrið, sum er orsøkin.

Tað gongur ikki væl at fáa dystin millum TB og EB/Streym við Stórá í Trongisvági avgreiddan.

Dysturin, sum skuldi spælast á jóansøku 26. juni í 15. umfari, verður altso ikki spældur í morgin, skrivar bolt.fo í dag.

Hann skuldi spælast í morgin seinnapart klokkan 16, men enn er ikki avgjørt nær hann so verður spældur.

Hjá TB, sum liggur á aftasta plássi í deildini við trimum stigum, er niðurflyting nærum blivin ein veruleiki, meðan EB/Streymur enn roynir at tryggja sær sætið í bestu deildini og liggur á 19 stigum á sjeynda plássið.


placeholder
placeholder