Fótbóltur

Væleydnaðir dagar saman við Alan Irvine

Venjari úr Premier League gav fótbóltsungdóminum í Suðuroy íblástur.

2023-06-05 08:56 Author image
Innsent
placeholder

Í farnu viku høvdu ungdómar og venjarar hjá FC Suðuroy, TB og Royn sera spennandi vitjan.

Tað er kendi skotin og sera vælumtóki og dugnaligi venjarin, Alan Irvine, sum hevur vitjað Suðuroynna og deilt út av sínari vitan og royndum.

Ungdómarnir vandu tvær ferðir um dagin saman við Alan Irvine, og so var eisini serligt venjarakvøld á skránni, har skotin greiddi stutt frá um yrkisleið sína sum fótbóltsleikari og seinni sum venjari, har hann millum annað hevur vant ungdóm eins og vaksin, bæði sum hjálparvenjari, akademistjóri og eisini sum høvðusvenjari.

Ungdómarnir sum spæla við U15 og U17 dámdu sera væl og eru sera fegnir um at ein venjari á hægsta stigi hevur givið sær stundir at leggja leiðina til Suðuroyar og venja á grassrootsstøði (ungdómsstøði).

Til hvørja venjing legði venjarin stóran dent á luttøkuna, hvussu ein kannar økini, stillar seg í mun til økið og mótstøðuleikarar og hvussu ein spælir viðleikarnar góðar. Tað var sera nógv ferð yvir venjingunum og luttøkan hjá leikarunum var eisini sera góð.

Fyriskiparnir sum eru fólkini, ið eru virkin í FC Suðuroy, TB og Royn hava saman við Finn Johannessen, ið hevur kent Alan Irvine síðani hann vitjaði í Everton í 2004, skipað fyri vitjanini og syrgt fyri at venjingarnar hava eydnast.

Allir venjararnir og leikararnir vóru á einum máli um, at hetta nokk er best fyrireikaði og stórsti venjarin, ið hevur vitjaði í Føroyum, við tað at hann eisini hevur givið sær stundir til at fara av hægstu tindum og seta tíð av til ungdómin í Føroyum.

Á venjarafundi fyri alla oynna greiddi Alan Irvine eisini frá um ymiskar spæliskipanir og um hvussu tilgongdir eru ísambandi við dystarfyrireikingar og kom hann eisini stutt inn á tær fyrireikingar hann júst nú tekst við, nú felag sítt, West Ham United, sum  skal spæla finalu í Eufa Conference League móti Fiorentina mikukvøldið.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder