Innsent
Vár Erlingsdóttir Eidesgaard, sum beint eftir jól flutti til Miami í Florida at svimja og lesa á Florida International Univesity (FIU), ger longu vart við set sum svimjari í nýggju umstøðunum.
18. januar var hon við í kapping fyri sítt universitet FIU, sum hitti Florida Gulf Coast University í sokallaðum ‘dual meet’. Her vann føroyski svimjarin sína fyrstu kapping fyri lærustovn sín. Talan var um 500 yards frí, sum hon vann við tíðini 5:00.55. Vár gjørdist eisini nummar tvey í 200 yards frí við tíðini 1:53.23. FIU vann samanlagt stevnuna við stigunum 634,3 ímóti 582,6.
Leygardagin var aftur dual meet, tá FIU tók ímóti Florida Atlantic University í heimahyli í Miami.
Vár svam væl og vann báðar sínar kappingar. 1.000 yards við tíðini 10:14.29 og 500 yards við tíðini 5:01.65.
Vár gjørdist harvið tann svimjarin, ið vann næstflest stig á stevnuni, sum FIU eisini vann samanlagt við stigunum 641,6 ímóti 560,4.
Liðið hjá FIU verður kallað "Panthers", og umfatar, umframt svimjing, eisini útlop. Til ber at fylgja "Panthers" á Instagram (@FIUMSwimDive), Twitter (@FIUSwimDive), og á Facebook (Facebook.com/FIUSwimmingAndDiving).
Vinarliga broyt tínar kennifíla - og privatlívsstillingar fyri at síggja hetta innihald