Vár føroyskt met í Ungarn

Vár Erlingsdóttir Eidesgaard úr Havn setti í morgun føroyskt met á meistarastevnu í Ungarn, tá hon í morgun svam 800m frí við tíðini 9:06.88.

Gamla metið, sum Vár sjálv átti, varð sett í apríl 2019. Tað var 9:08.50.

Vár hevur síðan byrjanina av februar verið í Budapest í Ungarn, har hon venur við felagnum BVSC, og seinastu dagarnar hevur hon luttikið á meistarastevnuni í langgeil í Debrecan, ið er næststørsti býur í Ungarn.