Tíðindaskriv
FSF: Eysturríki, Frankaríki, Italia, Holland, Noreg, Pólland og Spania, ið eru verandi meistarar, umframt Føroyar sum vertsland, verða londini, sum frá 4. til 17. mai fara at dystast um evropameistaraheitið 2025 fyri U17 landslið við gentum.
Londini verða býtt í tveir bólkar, sum verður avgjørt við lutakasti, sum verður í Varpinum í Klaksvík í dag klokkan 11.
Dystirnir í kappingini verða spældir á Djúpumýru og á Tórsvølli.
Innleiðandi dystirnir verða spældir frá sunnudegnum 4. mai til sunnudagin 11. mai. Hálvfinalurnar vera spældar mikudagin 14. mai, og síðani verður finalan á Tórsvølli sunnudagin 17. mai.
Í fjør varð endaspælið í Svøríki, sum endaði við at Spania bleiv evropameistari. Í finaluni vunnu spaniólar 4-0 á Englandi.
Lutakastið verður stroymt beinleiðis á YouTube-rásini hjá FSF.
Vinarliga broyt tínar kennifíla - og privatlívsstillingar fyri at síggja hetta innihald