Hondbóltur

Video: - Hetta er nógv hægri tempo

Jana Mittún skuldi tó ikki brúka nógva tíð til at venja seg við ferðina í dystinum Rumenia. 17-ára gamla hoyvíksgentan skoraði fýra mál í sínum fyrsta A-landsdysti, og lýsir nógv av tí at vera við sum "skeg".

Vinarliga broyt tínar kennifíla - og privatlívsstillingar fyri at síggja hetta innihald

2021-10-09 15:15 Author image
Agnar Prestá
placeholder

- Man kann ikki bara fara inn og bara skora og gera nakað sjálv.

Soleiðis lýsir Jana Mittún tað at spæla á A-landsliðsstøði, sum hon royndi fyri fyrstu ferð í Rumenia mikuvkøldið, í mun til at spæla til dømis ungdómslandsliðshondbólt.

Tað sá tó ikki út til at vera heilt soleiðis, tí Jana skoraði rímiliga skjótt fýra mál og gjørdist javnsettur føroyskur toppskjútti í dystinum - tvey av hennara málum, har hon tekur sakina í egnar hendur, síggjast í videobrotinum omanfyri.

[object Object]Jana Mittún til venjingina fyrr í dag (Mynd: Sverri Egholm)

- Tá eg fekk at vita, at eg skuldi inn, so var eg sjálvandi nokso nervøs, men eisini spent. Tað var nógvur larmur í høllini, og tað hjálpti, so at man ikki hugsaði so nógv um nervarnar og bara royndi at gera sítt besta, so ja; tað er mega skeg.

Ungi bakspælarin lærir nógv av at vera á A-landsliðnum fyri fyrstu ferð , og nú gleðir hon seg at spæla á heimavølli móti Danmark í morgin, har áskoðararnir kunnu fáa stóran týdning.

Dysturin móti Danmark í Høllini á Hálsi, har Jana og hinar vandu fyrr í dag, byrjar í morgin klokkan 16.15.

Sí eisini: Myndir: Fyrireika seg til stóru uppgávuna í morgin

[object Object]Høllin á Hálsi er karmur um dystin í morgin seinnapart (Mynd: Sverri Egholm)


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder