Hondbóltur

Myndir: Fyrireika seg til stóru uppgávuna í morgin

Føroysku kvinnurnar vóna, at høllin verður full, og at stuðulin til dystin móti Danmark verður so stórur sum gjørligt.

17-ára gamla Jana Mittún, ið spældi sín fyrsta A-landsdyst mikukvøldið (Mynd: Sverri Egholm)

17-ára gamla Jana Mittún, ið spældi sín fyrsta A-landsdyst mikukvøldið (Mynd: Sverri Egholm)

2021-10-09 14:17 Author image
Sverri Egholm
placeholder

Mikukvøldið spældi liðið ein harðan dyst í Rumenia, har føroyska liðið var heilt væl við til eina løtu inn í annan hálvleik.

Heimtúrurin gjørdist longri enn ætlað, tí flogfarið fekk ikki sett seg í Vágum hóskvøldið, eftir at tað hevði flogið yvir Føroyum eina løtu. Harvið gekk leiðin til Bergen, og ikki fyrrenn í gjár komu føroysku kvinnurnar til landið. 

Nú hugsavna tær seg um uppgávuna móti liðnum, sum í fjør endaði nummar fýra til EM-endaspælið. Gamaní var Danmark á heimavølli, men tað er eingin ivi um, at liðið við millum Sandru Toft, Anne Mette Hansen, Louise Burgaard og Mie Højland er sera sterkt. 

Avbjóðingin er spennandi, og spælarar eru á føroyska liðnum, sum spæla í donskum hondbólti, og nakrar hava eisini donsk ættarbond.

Vónað verður at høllin á Hálsi verður full seint seinnapartin í morgin. Áskoðarar kundu ikki koma til dystirnar í juni, men hesaferð er møguleikin har, og føroysku leikararnir nevna tað eisini í samrøðunum hjá okkum, at tað hevði gjørt upplivingina meira serliga, um stuðulin verður heilt stórur í morgin, tá tær bresta saman við Danmark.

Dysturin í høllini á Hálsi byrjar klokkan 16.15.

Sí eisini: 
- Tær eru hondbóltsspælarar líka sum vit
Jana: - Hetta er nógv hægri tempo

Sí myndir frá venjingini á Hálsi fyrrapartin:

placeholder
placeholder