Video: - Tað er øgiliga stórt at vera aftur

- Fótbóltur er so týdningarmikil fyri meg, at eg havi gjørt alt fyri at koma aftur.

Hetta staðfestir Brandur Hendriksson Olsen í erligari samrøðu við Portalin á Hotel Føroyum í dag.

Skálvíkingurin er aftur á landsliðnum. Hetta eftir skurðviðgerð og harða uppvenjing. Til tíðir hevur tað verið einsligt í styrkirúminum, men Brandur setir orð á sterka stuðulin frá familju og vinfólki og eisini fysisikum venjara og øllum í Fredrikstad seinastu mánaðirnar.

Nú 27-ára gamli landsliðsspælarin hevur havt tankan um, hvat stig hann kann koma á eftir tveir krossbandsskaðar. Nú stríðist hann av øllum alvi fyri at koma aftur á tað høga stigið hann var á, áðrenn krossbandið slitnaði tíðliga í 2022, tá hann var í Helsingborgs í Svøríki.

Brandur Hendriksson viðurkennir, at hann helst ikki fær stórvegis leiklut á vøllinum hesa ferð, men at hann kann geva nakað við sínum royndum.

- Vit fara inn eftir stigum. Vit hava víst tað á Tórsvølli fyrr - seinast móti Turkalandi - so hví ikki?

Tað verður helst í heyst, at Brandur Hendriksson aftur fær lyklaleiklut á føroyska miðvøllinum. Hann hevur spælt í fýra dystum í næstbestu norsku deildini seinastu tíðina. Seinast tekniskt gávaði og skilagóði spælarin var á A-landsliðnum var í Ísrael í sínum dysti nummar 50.

Føroyar og Kekkia spæla á Tórsvølli leygarkvøldið klokkan 19.45.

Lagt til Rættis: Agnar Prestá og Sverri Egholm

Portalurin hevur ymiskt annað tilfar úr landsliðsleguni í morgin og verður
eisini til sjálvan dystin leygarkvøldið.