Vilhelm Poulsen við sjey málum í steypasigri

Bæði Hákun West av Teigum og Vilhelm Poulsen vóru við at spæla síni lið víðai til áttandapartsfinalurnar í DHB Pokal í gjár.

Hákun West av Teigum var tryggur í trimum kontramálum í fyrra hálvleiki,  tá  Füchse Berlin sendi Wetzlar út við 35-30 sigri.

Sí málini á SiggiChannel niðanfyri ella her

Hákun West av teigum og Vilhelm Poulsen avgreiddu sínar uppgávur í steypakappingini væl (Mynd: Sverri Egholm)

Vanligi síðumakkarin hjá Hákuni á landsliðnu, hevði væl størri álopsleiklut enn vant hjá Hannover Burgdorf, tá liðið í gjár vann greitt á Bayer Dormagen.

Vilhelm Poulsen varð við sjey málum - uppá ellivu skot - javnsettur toppskjútti hjá Hannover Burgdorf. Umráðandi fyri sjálvsálitið hjá sterka føroyska bakkinum.

Talan var um gjøgnumbrot, langskotshøgg og kontramál.

Sí tey sjey málini hjá Vilhelmi Poulsen á SiggiChannel niðanfyri ella her:

Eftir 38-23 er Hannover-Burgdorf, eins og Füchse Berlin, í áttandapartsfinalunum.