World Cup í Póllandi: Bronsu til Sverra Nielsen

Føroyski rógvarin Sverri Sandberg Nielsen hevur fyrrapartin róð seg til eitt triðjapláss í A-finaluni í einskullara hjá monnum á World Cup-stevnuni í Póllandi.

Harvið tryggjaði miðvingurin sær eitt bronsuheiðursmerki við tíðini 7.03.42

Fyrstur á mál var nýsælendski Thomas Mackintosh við tíðini 7.00.49, og á øðrum plássi var Damir Martin úr Kroatia við tíðini 7.03.25.

Hetta var seinasta kappingin áðrenn OL í París, sum byrjar í juli.