Annað

Zalgiris er lent

Mótstøðuliðið hjá KÍ var við flogfarinum hjá SAS, sum lendi fyri løtu síðani.

2018-07-10 13:58 Author image
Ari av Rana
placeholder

Einki sær út til at forða fyri at Evropa League dysturin millum KÍ og Zalgiris verður spældur í morgin.

Ivamál var um hvat fór at henda, tá flogfarið hjá SAS, sum Zalgiris skuldi flúgva við í gjár, ikki fór úr Keypmannahavn, tí at mjørki var í Vágunum.

Dysturin, sum upprunaliga skuldi verða klokkan 17 í dag varð fluttur til í morgin klokkan 17. Dysturin skal spælast á ovaravølli í Gundadali.

Flogfarið hjá SAS lendi fyri løtu síðani, og við umborð var mótstøðuliðið hjá KÍ, Zalgiris úr Vilnius úr Litava. Tí bendir alt á at dysturin verður spældur í morgin.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder