Hondbóltur

- Stórur stríðsvilji skal finnast fram

Føroysku kvinnurnar skulu í eldin klokkan 15.30.

Águst Jóhannsson leggur dent á, at føroyska liðið skal veruliga stríðast fyri tí í dag
(Mynd: hsf.fo)

Águst Jóhannsson leggur dent á, at føroyska liðið skal veruliga stríðast fyri tí í dag (Mynd: hsf.fo)

2018-12-01 14:44 Author image
Agnar Prestá
placeholder

Avbjóðingin er stór, tá føroyska A-landsliðið við kvinnum seinnapartin skal hitta Litava í sínum seinna HM-undankappingardysti í Sveis. 

 

– Tann eyðkendi føroyski stríðsviljin má finnast fram og allar mugu gera sítt allar ítarsta, sigur landsliðsvenjarin Ágúst Jóhannsson við heimasíðuna hjá hondbóltssambandinum. 

Føroyar spældu í gjár móti Finnlandi og mistu á stokkinum. Í dag er mótstøðan  sterkari á pappírinum. Litava tapti í gjárkvøldið við einum máli móti Sveis, ið er mett at vera tað sterkasta liðið í bólkaspælinum. Ágúst Jóhannsson sigur, at talan er um eitt fysiskt sterkt lið: 

– Litava spældi ótrúliga væl í gjár. Spælararnir eru høgir og sterkir og serliga bakkarnir eru vandamiklir. Okkara spælarar eru væl fyrireikaðar upp á uppgávuna, men hon verður trupul. Ídni hjá Føroyum skal tó ikki liggja eftir, sigur íslendski venjarin. 

Les eisini: Føroyar skulu reisa seg eftir tapið fyri Finnlandi

Føroyar og Litava hava bert einaferð hittst áður. Tað var í 2004, tá Litava vann við trimum málum

Dysturin millum Føroyar og Litava byrjar klokkan 15.30 føroyska tíð. Hann kann síggjast www.handballtv.ch/de

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder