- Vit hava góðan møguleika í Montenegro

KÍ metir seg hava ein møguleika at vinna seg víðari í Conference League. Mikudagin verður fyrsti dysturin móti Sutjeska, og hann verður leiktur í Montenegro.

Hópurin er í kvøld farin til Noregs og fer í morgin víðari til Montenegro.

- Tað verður ikki líka sterk mótstøða, og helst meira javnt. Vit fara at fyrireika okkum næstu dagarnar og eg vænti, vit hava góðan møguleika, sigur Jóannes Bjartalíð í samrøðu við KÍ.

- Vit vera helst meira á bóltinum í mun til Bodø/Glimt, ásannar Jóannes Bjartalíð, sum eisini sigur, at tað spælið fer at passa betri til hansara.

Tað er heitt í Montenegro, men Jóannes Bjartalíð sigur at teir hava roynt slíkt áður. Nú brúka teir nakrar dagar í hitanum fyri at venja seg við umstøðurnar.

- Vit eru ikki komnir á mál enn. Vit miða eftir einum bólkaspæli og tað er tað vit fara at royna nú, sigur Jóannes Bjartalíð

Dysturin verður mikukvøldið klokkan 19.

Hoyr samrøðuna omanfyri.