Agnar Prestá
Tjúgu dystir í 3. umari (1/32 finalnum) í FA Cup eru leiktir í dag.
Størsta avrikið kom frá Tranmere Rovere úr triðbestu deildini. Aftanfyri 3-0 á útivølli móti formsterka Watford, ið var í finaluni í fjør, skelkaði liðið av Merseyside Premier League-liðið við trimum málum í 2. hálvleiki. 3-3 málið kom við brotssparki frá innskifta Paul Mullin. Harvið skal umdystur til, og tað skal tað eisini í Newcastle, tí Rochdale úr triðbestu deildini fekk tryggjað sær javnleik móti liðnum úr Premier League. 40-ára gamli innskifti Aaron Wilbraham skoraði útjavnandi málið í 79. minutti
Sheffield Wednesday og Fulham úr næstbestu deildini megnaðu bæði at koppa liðum úr Premier League; ávíkavist Brighton og Aston Villa. Burnley, Southampton, Norwich, Bournemouth, Leicester og Manchester City komu øll trygt víðari, hóast Port Vale úr fjórðbestu deildini fekk javnað til 1-1 á Etihad móti vinnarunum í fjør.
Á Molineux stóðu Wolves og Manchester United ikki beinleiðis fyri nøkrum undirhaldi í einastu Premier League-uppgerðini. Júst innskifti Marcus Rashford fekk ein risastóran møguleika miðskeiðis í 2. hálvleiki men fekk ikki lagt United á odda. Heimaliðið var omaná seinastu tjúgu minuttirnar, og serliga var Raul Jimenez vandamikil. Bólturin endað einaferð í málinum aftanfyri Sergio Romero, , men Matt Doherty hevði stútað bóltin niður á egna arm og síðani í málið, og so varð tað kolldømt. Harvið endaði tað 0-0, og liðini skulu dystast á Old Trafford um eitt pláss í 4. umfari.
Í morgin verða ellivu dystir leiktir. Tann greitt mest áhugaverdi á pappírinum er grannauppgerðin í Liverpool.
FA Cup 3. umfar
Leygardagur 4. januar
12:31:
Bristol City - Shrewsbury Town 1-1 *
Millwall - Newport County 3-0
Rochdale - Newcastle United 1-1 *
Rotherham United - Hull City 2-3
Birmingham City - Blackburn Rovers 2-1
Burnley - Peterborough United 4-2
15:01
Brighton & Hove Albion - Sheffield Wednesday 0-1
Cardiff City - Carlisle United 2-2 *
Fulham - Aston Villa 2-1
Oxford United - Hartlepool United 4-1
Southampton - Huddersfield Town 2-0
Brentford - Stoke City 1-0
Preston North End - Norwich City 2-4
Reading - Blackpool 2-2 *
Watford - Tranmere Rovers 3-3 *
17:31
AFC Bournemouth - Luton Town 4-0
Leicester City - Wigan Athletic 2-0
Wolverhampton Wanderers - Manchester United 0-0 *
Fleetwood Town - Portsmouth 1-2
Manchester City - Port Vale 4-1
Liðið er víðari
*Skulu spæla umdyst seinni í januar
Í morgin:
15.01:
Bristol Rovers - Coventry
Burton - Northampton
Charlton - West Bromwich
Chelsea - Nottingham Forrest
Crewe - Barnsley
Crystal Palace - Derby
Middlesbrough - Tottenham
Queens Park Rangers - Swansea
Sheffield United - AFC Fylde
17.01:
Liverpool - Everton
19.16:
Gillingham - West Ham
Vinarliga broyt tínar kennifíla - og privatlívsstillingar fyri at síggja hetta innihald