AB vann á stórabeiggja

Heldur óvæntað úrslit á Argjum seinnapartin. HB var á vitjan hjá lítlabeiggja, og endaði við at tapa. Havnarmenn hava havt yvirvág seinastu árini, men í dag var tað AB sum fór avstað við øllum og vann 2-1.

HB var uttan stórar profilar í verjuni frá byrjan, og fyrsta málið hjá AB kom eisini tá HB-verjan ikki kláraði at beina bóltin burtur í brotsteiginum í 31. minutti. Ramzi Idrissou hevði síðsta fótin á bóltinum.

Stegan Radosavljevic javnaði fyri HB í 40. minutti, men í 64. minutti kom avgerandi málið. Málið er skrásett sum sjálvmál, og kom tá misskiljingar í HB-verjuni aftur løgdu AB á odda.

Annars hevði HB bóltin fyri tað mesta, men argjamenn stríddust sum úlvur á skóg og vóru kanska hepnir at havnarmenn ikki fingu meira burturúr. Millum annað setti Øssur Dalbúð bóltin inn tvær ferðir, men í báðum førum metti dómarin, at hann var rangstaddur.

AB lyftir seg við sigrinum upp um niðurflytingarstrikuna og upp á 20 stig.

B36 vann trygt 3-1 móti B68, og tað hevur við sær at toftamenn nú eru á níggjunda plássið aftur og á niðurflytingarkós.

Í Streymnesi brustu EB/Streymur og NSÍ saman, og har fingu sundalagsmenn eitt umráðandi stig í stríðnum um gylta evropaplássið.

Víkingur setti óvæntað stig til í Sørvagi. 07 Vestur legði seg á odda í 41. minutti við brotssparki, og ikki fyrr enn í 76. minutti megnaðu gøtu og leirvíkingar at javna, men fleiri mál komu ikki.

07 Vestur kann fegnast um ta eina stigið og hevur nú 22 stig.

Oddaliðið KÍ var á vitjan hjá botnliðnum Skála. KÍ vann 1-0 eftir brotsspark frá Jóannes Bjartalíð.

Úrslit 21. umfar

AB - HB 2-1 (1-1)
31’ Ramzi Idrissou 1-0
40’ Stefan Radosavljevic 1-1
64’ Sjálvmál

EB/Streymur - NSÍ 1-0 (0-0)
61’ Jay Andersen 1-0

B36 - B68 3-1 (3-0)
14’ Michal Przybylski 1-0
27’ Rasmus Nissen 2-0
34’ Rasmus Nissen 3-0
80’ Áki Johannesen 3-1

07 Vestur - Víkingur 1-1 (1-0)
41’ Mads Borchers 1-0 (br.)
76’ Finnur Justinussen 1-1

Skála - KÍ 0-1 (0-1)
45' Jóannes Bjartalíð 0-1 (br.)

Støðan Betri deildin menn

1. KÍ 59 stig
2. Víkingur 50 stig
3. HB 43 stig
4. B36 33 stig
5. EB/Streymur 30 stig
6. 07 Vestur 22 stig
7. AB 20 stig
8. NSÍ 19 stig
9. B68 17 stig
10. Skála 8 stig