Fótbóltur

AC Milan útihúst frá evropeiskum fótbólti

Italska stórfelagið sleppur ikki at luttaka í altjóðakappingum hetta komandi kappingarárið vegna 'financial fair play'.

Gennaro Gattuso gavst sum venjari hjá AC Milan tá tað vísti seg at liðið ikki megnaði at spæla seg í Champions League (Savnsmynd: EPA)

2019-06-28 12:34

Ingi Samuelsen

Italska fótbóltsfelagið sleppur ikki at spæla við í Europa League komandi, tí felagið hevur brotið reglarnar um ’Financial Fair Play’.

Tað er altjóða ítróttadómstólurin, Cas, sum hevur gjørt av at banna Serie A-felagnum frá evropeiskum fótbólti, skrivar BBC.

Harvið tók Cas undir við evropeisku fótbóltssamgonguni, Uefa, sum hevur skuldsett ACMilan fyri hava brotið seg inn á reglurnar um útreiðslur av rakstrinum.

- AC Milan verður útihýst frá Uefa kappingum í ítróttaárinum 2019-2010”, verður sagt í avgerðini. Milan endaði á fimta plássi í kappingini hesaferð, eitt stig aftan fyri grannarnar, Inter.

Vinarliga broyt tínar kennifíla - og privatlívsstillingar fyri at síggja hetta innihald