Ælabogin eisini á vøllinum hjá B36-monnum

Liðskiparaband og sveittibond eru blivin tað heilt stóra evnið seinastu dagarnar.

Hóast FSF ikki endaliga hevur viðgjørt hetta, hevði Olga Kristina Hansen, liðskipari hjá B36-kvinnum, ælabogalitt band um armin í dystinum móti AB/B71 fyrr í dag, og tá B36 og EB/Streymur gingu út á Tórsvøll klokkan 15, hevði Andrias Eriksen, liðskipari hjá B36 eisini hetta litfagra liðskiparabandið um armin.

(Mynd: Televarpið)

(Mynd: Sverri Egholm)

Sum skilst fer Atli Gregersen, liðskipari hjá Víkingi, eisini at bera ælabogalitt band tá felagsliðið í Gøtu og Leirvík er á vitjan hjá 07 Vestur.