Aftaná KÍ-sigur: Venjarin hjá Ferencvaros fingið sekkin

Høvuðsvenjarin hjá ungarsku meistarunum, sum í kvøld taptu 3-0 fyri KÍ, og harvið eru úti av Champions League, er koyrdur til hús.

Talan er um russiska Sztanyiszlav Csercseszov, sum hevur verið venjari hjá Ferencvaros síðan 2021. Dysturin og eyðmýkingin, sum klaksvíkingar stóðu fyri í Budapest í kvøld, bleiv hin síðsti hjá Sztanyiszlav Csercseszov.

- Aftaná dystin høvdu formaðurin í felagnum Gábor Kubatov og Sztanyiszlav Csercseszov eitt prát, og avgerð var tikin um, at høvuðsvenjarin hevði staðið á odda fyri Ferencvaros fyri seinastu ferð, skrivar ungarska felagið á heimasíðuni.

Les eisini: KÍ feldi Ferencvaros í framúr dysti