Åge Hareide kundi hugsa sær at gerast venjari hjá Noregi

Í gjár gjørdist greitt, Åge Hareide ikki verður venjari hjá danska fótbóltslandsliðinum eftir EM komandi ár. Men sambært norskum miðlum situr norski venjarin í nýggjum heitum stóli komandi ár.

Norskir miðlar eru longu farnir at skriva, at Åge Hareide møguliga fer at taka sessin hjá svenska Lars Lagerbäck sum venjari hjá norska landsliðinum.

Sjálvur sigur Åge Hareide, at tað kann væl hugsast, at hann tekur yvir eftir EM 2020.

Norskir miðlar skriva eisini at Lars Lagerbäck ikki heldur fram sum landsliðsvenjari hjá Noregi eftir EM 2020.