Ákærurnar móti Cristiano Ronaldo um neyðtøku sleptar

Ákærurnar móti Cristiano Ronaldo um neyðtøku eru sleptar. Tað veit amerikanski miðilin Bloomberg at siga.

Cristiano varð ákærdur fyri at hava neyðtikið Kathryn Mayorga í Las Vegas í juni 2009. Tey hittust á diskotekinum Rain, og neyðtøkan skuldi verið hend á hotellkamarinum hjá Cristiano.

Kathryn Mayorga sigur, at fótbóltsleikarin rindaði kvinnuni 2,6 milliónir krónur í 2009 fyri ikki at tosa við miðlarnar um hendingina. Men sakin kom fram aftur í fjør.

Nú hevur kvinnan slept ákæruni. Ikki er greitt um partarnir hava funnið til nakra semju sína millum.