Áleið 500 atgongumerki eftir

Klokkan 17.00 bresta Føroyar og Kosovo saman á Tórsvølli í týdningarmiklum dysti í UEFA Nations League. Føroyska liðið skal reisa seg efitr 3-0 tapið fyri Aserbadjan hóskvøldið.

Les meira

Tað er ikki útselt til dystin; FSF boðar frá, at beint eftir middag vóru umleið 500 atgongumerki eftir.

Tórsvøllur hevur verið ein skansi seinastu árini, og venjarin hjá Kosovo segði eisini á tíðindafundinum í gjár, at Føroyar á útivølli er ein sera torfør uppgáva.

Les meira

Í Kosovo gjørdi áskoðarnir hjá heimaliðnum veruliga mun; í dag hevur føroyska liðið veruliga tørv á uppbakningi frá fjepparunum.

Fótbóltssambandið ger vart við, at tað er ikki møguleiki at keypa við dyrnar; til ber at keypa atgongumerki heilt fram til fyrsta bríksl á heimasíðuni hjá FSF.